Welt-in-Hannover.de Welt-in-Hannover.de Welt-in-Hannover.de Welt-in-Hannover.de
Willkommenstext Zweibrücken News

Rojname Zweibrücken News

"Em jî dixwazin tiştekî bibêjin û em bixwe binivîsin"(axayê Erfanian, penabereke ji Îranê)

Penaber bo penaberan û ji kesine din re, yên ji wan re ev kar balkêşe, dinivîsin

  Anja Lutz | Abdulrahman Afif | 12.02.2018

Hineke endamên desteya birêvebir ya Welt in Hannover di tarîxa 16.02.2017 de li odeyên birêvebiriya „Zweibrücken-News“ mêvan bûn. Em bi balkêşî bûn bo çêkerên vê rojnameyê û me xwest em baş li ser çîroka damezirandinê, karê birêvebiriyê û li ser mijarine taketak di belavkirina Roja Jidayikbûna Pîroz de agah bibin û nasbikin. Ev çapa han, hemkarkerekî me pêş me kiribû û jiber, em karê rabûna bi xebatan gellekî baş dibînin, em rabûn û çûn wê qehwexaneya bi navê “Café der Begegnung/qehwexaneya hevdîtinê”, da em birêvebiran bibînin.

Besuch bei der Zweibrücken-News Team
Besuch bei der Zweibrücken-News Team

Minasebet: Şeva serê salê /Silvesternacht/2015 li Köln

Ev rojname „Zweibrücken-News“ ji oktobera 2016 ve heye. Xwediyê fikra çêkirina wê axayê Erfanian e, zilamekî bi emr mezine û pirr kitêb xwendine, ew ji berî du salan ve ji Îranê hatiyê Elmanya û li vî kampê penaberan dijî. Piştî tiştên li Köln qewimîn di şeva serê sala 2015 de axayê Erfanian dît, ko hal li Elmanya tê guhertin bi aliyê xerabiyê ve bo penaberan. Wî dît, ko gelleke li ser penaberan hatiyê nivîsandin, lêbelê jêre giring bû,” ko ew rabe û tiştekî bibêje û bikaribe ew tiştekî binivîse”. Wisa raman û fikra, ko rojnameyeke ya kampê bête çêkirin,hate holê.

Gespräch Zweibrücken-News
Gespräch Zweibrücken-News

Axayê Erfanian, Îran
“Ziman ji min re muhime, bêtir ji nivisîna wezîfeyên dî”, axayê Erfanian dibêje. Ev birêvebir rabûye û deqeke nivîsiye bo kursê ziman li kampê bi pirsên weke” Hûn ji kuderê ne? Ev çiqas heye hûn li Elmanya ne?” Ew van pirsan di dersê de dike û Olivier sûretên kesên tên portrêkirin digire. Axayê Erfanian berê li Îranê gotar nivîsîbûn, ewên ko bi awayekî resmî nikarîbûn bêne weşandin. Gotarên wî li ser efsaneyên qehremanên dastana “Şahname“bûn (ya weke „Ilias“ ya Homîros). Aniha axayê Erfanian li ser gotarine nû kardike, ko di wan de li ser gotinên mezinan dixebite, yên ko girêdana wan bi hemjiyanê ve hebe, weke mînak gotineke Mehatma Gandhi: “ efûkirin sîfeteke ji sîfetên xûrtane. Kesê qels nikare efûbike”.

Di ser wisa re axayê Erfanian beşeke ji tandima zimane(fêrbûna zimanî ya miqabil). Ev heye gelleke meh, ko ew her roja şemiyê piştînîro dire cem axayê Tilk. Axayê Tilk 86 salî ye û ew bavê mamosteyekê ye, ya ko li kamp dersan dide. Ew herdu zilam bi hev re li ser “Cîhanê û Xwedê” diaxivin. Axayê Erfanian ji hemaxêvê xwe pirr hezdike û qîmetê wî pirr zane: “ Ez li wir pirr baş dielimim. Axayê Tilk “elmaniyekî birra ye”. Ew bi awayekî gramatîkî yê baş diaxive û wisa jî hêdî hêdî, (wilo ko ez jê baş fêmdikim)”. Herdu zilam berê weke muhendisan kardikirin.

Danasîn-nameyên kesên li kamp dijîn
Awayekî dî yê portrêt Olivier peydakiriye. Olivier: “ Em navnetewî ne, em ji welatine corecor in. Di van danasînnameyan de mijar ewin “bajarê min”, çawa bû û li ku bû cihê min yê min pirr jê hezdikir li bajêr? Çawa bû sêstêma xwendinê li welatê min? Mebest ne ewe, bê ka tişt li ba me baş ya pîs bûn. Mijar mijara derdorê ye, ya bê ka min di xortaniya xwe de çi dikir û bê ka ez diçûm kîjan medresê. Pirs pirsa bê ka ez bi hevalên xwe re diçûm kîjan cihî bi kêf û eşq. Wisa jî mijar mijara ûrf û adetane: cejnên me yên ûrfûadetî kîjanin li welatê me?” Mirov divê bi dîroka xwe çêtir bêne pêşdan, wisa ko mirov bikaribe nêzîkî wan bibe, di rêya tiştên ew jê hezdikin re.

Di rêya vê rojnameyê de divê bihevguhertineke çêtir bi dorûberê re bête lêkirin û gihiştin. Mebest ewe, ko xelkên dorûberê agahiyên wan li ser vî kampî çêbibin, berî her tiştî li ser xelkên wî, û berîvajî wilo jî ko rûniştiyên vî kampî hineke naskiriyan li ser cîranan bidestbixin, lêbelê li ser bajarê Hannoverê jî.

Jimarê herî nû yê vê rojnameyê „Zweibrücken-News“ dê dawiya adara 2017 bê weşandin.
li vir hûn dikarin herdu hejmarên belavbûyî bibînin.

Welt-in-Hannover.de bedankt sich herzlich für die tolle Unterstützung bei den vielen ehrenamtlichen Helferinnen und Helfern, sowie zahlreichen Organisationen und hofft auf weitere gute Zusammenarbeit.

Schirmherrin des Projekts Welt-in-Hannover.de ist Frau Doris Schröder-Köpf, Landesbeauftragte für Migration und Teilhabe.

kargah e. V. - Verein für interkulturelle Kommunikation, Migrations- und Flüchtlingsarbeit    Kulturzentrum Faust e. V.    Landeshauptstadt Hannover